Azərbaycan Aikido Federasiyası 

Azərbaycan Aikido Federasiyası (AAF) – Aikido özünümüdafiə sənətini Azərbaycanda təbliğ və inkişaf etdirmək üçün yaradılmışdır.

AAF - Azərbaycanda Aikido üzrə ilk yaradılan ictimai təşkilatdır. 13 iyul 1994-cü ildə Azərbaycan Respublikası Ədliyyə Nazirliyində qeydiyyatdan keçmişdir. Federasiyaya rəhbərliyi Azərbaycanda Аikidonun banisi F. Ələsgərov edir.

1995-ci ildə “Azərbaycan Aikido Federasiyası”, “Beynəlxalq Avro-Asiya Aikido Federasiyası”nın üzvü olur və F. Ələsgərov həmin beynəlxalq qurumun Vitse-Prezidenti seçilir.

1995-ci ildən başlayaraq Federasiya Azərbaycanda seminarlar və attestasiyalar təşkil etməyə başlayır. Bununla bərabər Federasiya həmçinin xaricdən Aikido, Kendo, Kenjutsu, Yoqa və Budo ustalarını dəvət edərək, Azərbaycanda beynəlxalq seminarlar və tədbirlər təşkil edir. Federasiya nəinki Azərbaycanda həmçinin xaricdə keçirilən beynəlxalq seminar və festivallarda fəal iştirak edir.

Federasiya həmçinin dərəcə sertifikatları, lisenziyalar və təlimatçı adları verir.
Aikido üzrə, onun yaradıcısı Morihey Ueşibanın fəlsəfəsinə görə, yarışlar keçirilmədiyindən, Federasiya tədbirlərini “Millətin sağlamlığı” proqramı çərçivəsində təşkil edir. 30 ildən artıq dövr ərzində 10 mindən çox Azərbaycan vətəndaşı Federasiyada Aikido təlimlərindən və fəlsəfəsindən bəhrələnərək, Kyu və Dan dərəcələrinə layiq görülmüş və düzgün həyat yolunda aldıqları biliklərdən istifadə edirlər. Bu günə Azərbaycanda yaradılan və fəaliyyət göstərən aikido növləri üzrə təşkilatların rəhbərləri və məşqçiləri Federasiyada təlim alaraq, ölkə daxilində və xaricdə aikidonu inkişaf etdirirlər.

Azərbaycan Aikido Federasiyası ABŞ, Avropa, Asiyada fəaliyyət göstərən təşkilatlar və ustalarla əməkdaşlıq edir və dünyada tanınır.

Azərbaycan Aikido Federasiyası - Aikidonun Azərbaycanda yaradıcısının məktəbidir.

Tərəfdaş

Beynəlxalq Avro-Asiya Aikido Federasiyası - BAAAF