Azərbaycanda Aikido Azərbaycan Aikido Federasiyası  (AAF)
RU | AZ
Əsl qələbə -
öz üzərində qələbədir
Müraciət
Qrupa yazılmaq üçün
Sual və müraciətləriniz
Cədvəl
Aikido Mərkəzinin dərs cədvəli 2017-2018
Əlaqə
Bakı şəh. AZ1072 Bala-əmi Dadaşov küç. 24 (m. N.Nərimanov yaxınlığında)
(+99412) 5675895; Fax (+99412) 4476789; (+99455) 7719383;   (+99455) 6923643;
facebook.com/aikidofederation                ; instagram.com/aikido_azerbaijan
aikidao@yahoo.com
Federasiya
Məlumat siyahısına qayıd

Aikido - növə bölünməyən növ


AİKİDO – NÖVƏ BÖLÜNMƏYƏN NÖV
AİKİDO döyüş sənəti XX əsrin ortalarında dahi ustad Morihei Ueşiba (1883-1969) tərəfindən Yaponiyada yaradılmışdır. O, məşğul olduğu müxtəlif yapon döyüş sənətlərindən qaynaqlanaraq, yaratdığı AİKİDO təlimini insanın fiziki, şüuru və ruhu inkişafına və təbiət qanunlarının dərk edilməsinə yönəldir. AİKİDO-nun fəlsəfəsi kiminsə üzərində qələbə çalmaq deyil, insanın öz üzərində qələbəsidir. AİKİDO-da yarışlar keçirilmir və ənənəvi döyüş sənəti kimi təqdim olunur və buna görə də digər döyüş sənətlərindən fərqlənir.
AİKİDO-da istifadə olunan texnikalar həm yumşaq həm də sərt olur. AİKİDO döyüş növündə oynaqların mürəkkəb bloklanması ilə yanaşı yerə atmaq və bəndləmək texnikası da xarakterikdir. AİKİDO-da heç bir rəqabət yoxdur. Şüurun və bədənin inkişafına yönələn daimi məşqlər nəticəsində ustalığa çatmaq mümkündür.
AİKİDO-da yaş və cins məhdudiyyəti yoxdur. Hər bir insan AİKİDO ilə məşğul ola bilər. Bu rəqibin dinamik hücumundan və gücündən istifadə etmək bacarığından irəli gəlir. Morihey Ueşibanın yaratdığı sistemin əsasını daşıyan prinsiplərin xüsusiyyətləri AİKİDO-nu başqa döyüş növlərindən fərqləndirir.
“AİKİDO” sözünə hər hansı əlavələri Beynəlxalq Aikido Federasiyası qəbul etmir. AİKİDO ilə məşğul olan insan, o deməkdir ki, Morihey Ueşiba tərəfində yaradılan və bəşəriyyətə verilən növlə məşğul olur. Hər hansı sözün, məsələn “real-“ əlavə edilməsi, Morihey Ueşiba tərəfindən yaradılmış növə aidiyatı yoxdur və əksinə böyük populyarlıq qazanmış AİKİDO adından istifadə edilməsi deməkdir.
Bizim fikrimizcə hər hansı döyüş növünün reallığı, istər boks, cüdo, karate, taekvondo və ya başqa olsun, bu insanın təcrübəsindən, dərəcəsindən, ciddi yanaşmasından və əməksevərliyindən irəli gəlir. Belə yanaşma olmasa heç bir növ real ola bilməz, və əksinə hər hansı növ yuxarıdakı yanaşmadan irəli gələrək real ola bilər.
Ustalıq döyüş meydanında və ya tatamidə sübut olunur. Bir kəs ki, öz ustalığının sübutunu başqa məktəbin və ya insanların üzərində əldə etmədən, necə özü və ya məktəbi haqqda yüksək fikir yürüdə bilər. Belə yanaşma təvazakorluqdan uzaq və başqalarını aldatmaqdan başqa bir şey deyildir. Ciddi insanlar daim ciddi məktəblərin və ustadların axtarışında olur. Ciddi məktəblər də öz sırasında ciddi insanları qəbul edir.
AZƏRBAYCANDA AİKİDO
Azərbaycanda Aikido 1990-cı ildən inkişafa başlayıb. 1992-ci ildə Aikido Mərkəzi, 1994-cü ildə Azərbaycan Aikido Federasiyası (AAF) rəsmi qeydiyyata alınıb. Bu vaxta qədər 5000-dən artıq adam Federasiyanın üzvü olmuşdur. Federasiyaya Aikido Mərkəzi, şəhər və rayonlarda yerləşən filiallar daxildir.
Federasiyanın baş iqamətgahı yerləşən Aikido mərkəzində uşaqlara, yeniyetmələrə, qadınlara və yaşlı nəslin nümayəndələrinə təlimlər keçirilir. Qadınlar və məktəbəqədər uşaqlarla xüsusi metodika ilə təlim keçən qadın təlimatçılar fəaliyyət göstərir.
Federasiya hər il Beynəlxalq, Respublika, Regional və Təlimatçı seminarlar təşkil edir, eyni zamanda Kyu və Dan dərəcələrinə attestasiyalar keçirir və “Millətin sağlamlığı” proqramı ilə çıxışlar edir. Federasiya beynəlxalq arenada fəal iştirak etməklə Aikidonun Azərbaycanda inkişafına öz töhfələrini verir. AAF Beynəlxalq Avrasiya Aikido Federasiyasının üzvüdür, MOK və Gənclər və İdman Nazirliyi ilə sıx əməkdaşlıq fəaliyyətindədir. AAF Federasiya olaraq Aikidonu Azərbaycanda və xaricdə təmsil edən yeganə ictimai təşkilatdır.
Azərbaycanda Aikido ilə məşğul olan və maraq göstərən hər bir insanı Federasiya təşkil etdiyi seminarlara dəvət edir və orada tatami üzərində ustalığını sübut etməyə hər bir kəsə şərait yaradır. Unutmamaq lazımdır ki, Aikido elə Aikidodur ustalıq isə insanın düzgün yolda olmasından və zəhmətindən asılıdır.
Hər kəsə uğurlu yol arzusu ilə...

Azərbaycan Aikido Federasiyasının Prezidenti
Fərhad Ələsgərov


© 2014 Azərbaycan Aikido Federasiyası. Bütün hüquqlar qorunur. Sayt 8 yaşdan yuxarı istifadəçilər üçün nəzərdə tutulub.(8+). Dizayn və təkmilləşdirmə SiteMan.az