GÜNƏŞ

GÜNƏŞ

O, bir ulduzdur və enerji yayır. Biz Yer planetində Günəşin lütfü sayəsində yaşayırıq. Bütün həyatımız ona tabedir - iqlimimiz, yeməyimiz, bədənimiz. Biz günəş atmosferində yaşayırıq və onun Yerə və digər planetlərə böyük təsiri var. Bu təsir hər dəfə artır, kosmik hücumlardan qoruyur. Bizi bir valideyn kimi qoruyur, uşaqlarımızı xarici problemlərdən qoruyur. Günəş işıq və enerji mənbəyidir. O olmasaydı, biz sağ qalmazdıq.

O, bir valideyn kimidir və digər planetlər, uşaqlar kimi, onun ətrafında əyləncəli şəkildə fırlanır və onun əhval-ruhiyyəsindən asılıdır. Əgər Kainat və onun içindəki ulduzlar haqqında bir anlayışa sahib olmaq istəyiriksə, o zaman Günəş kimi bizə ən yaxın olan ulduzu və onun sistemini öyrənməliyik.

Elm adamları təqribən ortaya çıxarıblar: Günəş Süd Yolu qalaktikamızdakı 100 milyard ulduzlardan biridir; yerdən 150 milyon km məsafədə yerləşir. Günəşin işığı yer üzünə 8 dəqiqəyə çatır. Onun təxminən 4,5 milyard il yaşı var. Onun diametri 1,5 milyon km-dir. Qazdan ibarətdir. Onun nüvəsi 15 milyon dərəcəyə qədər qızdırılır. Planetlərin kosmosa getməməsi üçün onun öz cazibə qüvvəsi var.

Atmosferin qoruyucu təbəqəsi və yerin maqnit sahəsi də günəşin sayəsində mövcuddur. Günəş həyat üçün bu müdafiələri qidalandırır və gücləndirir. Yer üzündəki həyat günəşlə yer arasındakı mükəmməl tarazlıq sayəsində yaradılmışdır. İsti-soyuq, işıq və enerjinin optimal mövqeyi planetin həyatı və yer üzündə həyat üçün şərait yaratdı.
Günəş hər şeyi hərəkətə gətirir və yer üçün enerji mənbəyidir. Yeri, havanı qızdırır, iqlimi dəyişir. Bitkilər fotosintez yolu ilə günəş enerjisini alır, karbohidratlar əmələ gətirir. İnsanlar və heyvanlar bu karbohidratları istehlak edərək, onları özləri üçün enerjiyə çevirirlər.

Yer üzündəki bütün hasil olunan yanacaqlar da günəşdən gəlir və günəş tərəfindən yaradılır. Bu yanacaqlardan çoxlu miqdarda istifadə və istehlak etməklə biz günəşlə yerin tarazlığını pozmuş oluruq, uzun illər ərzində əmələ gələn neft və qazları yerdən çıxarmaqla onların sistemlərinin əlaqəsinə mane oluruq. Bu yaradılmış sistem yerlə günəşin təması üçün lazımdır. Bizə yer üzündə yaşamaq imkanı verilməmişdir ki, onun strukturlarına müdaxilə edək və yerin təkini dəyişək.

Yer üçün neft, qazlar və digər tez alışan maddələr lazımdır və onlar sanki onun “qanıdır”. Amma qanı heç bir maye ilə əvəz etmək olmaz və onun azalması ölümlə nəticələnir. İnsana dünyanı və gələcəyi məhv etmək, “maddi sərvət” və “rahatlıq” artırmaq üçün bilik lazım deyil. Əvvəla, bilik bədənimizdə qan əvəzedicisini tapsın, sonra bədənimizin ahəngdar şəkildə necə işlədiyini öyrənsin, sonra beynimizi və onun imkanlarını nümayiş etdirsin.

İnsan yer üzündə qonaq olduğunu və özünü qonaq kimi - müvəqqəti sakin kimi apardığını nəzərə almalıdır, sadəcə öyrənməli, müdaxilə etməməli və dəyişməməlidir. Əgər baxsaq, əslində insan ulduz tozudur və torpaq, su və havadan ibarətdir. Özünüzü öyrənməklə yalnız siz öz əhəmiyyətsizliyinizi və müvəqqəti olduğunuzu bilə bilərsiniz.
Yaxşı olar ki, insan günəşə, yerə, ata-anaya təşəkkür etməyi öyrənsin. Valideynlərinizin xarakterini dəyişdirməyin, ancaq qabiliyyətlərinizi inkişaf etdirərək özünüz onlara uyğunlaşın. Günəş atadır, Yer anadır və biz də onlara saleh oğul ata-anasına rəftar etdiyi kimi davranmalıyıq. Bizə verilənlə kifayətlənməli və şükr etməli, sahibinin razılığı olmadan cibə, bədənə, ruha və dərinliyə girməməliyik.

Günəş olmasaydı, yer də olmazdı. Torpaq olmasaydı, valideynlər də olmazdı və biz də olmazdıq. Günəş, ata kimi, bizi xarici kosmik hücumlardan qoruyan və enerji ilə qidalandıran bir qalxandır. Təbii ki, Günəş Süd Yolu qalaktikamızdakı çoxsaylı ulduzlardan biridir. Qalaktikamız isə Kainatdakı çoxsaylı qalaktikalardan biridir.

Düşünmək üçün: Yer Günəş ətrafında saniyədə 30 km sürətlə fırlanır, Günəş təqribən saniyədə 200 km sürətlə hərəkət edir, qalaktikamız orta hesabla saniyədə 600 km sürətlə hərəkət edir. Günəş sisteminin qalaktikanın mərkəzinə olan məsafəsi təxminən 8 kiloparsekdir, 1 kiloparsek 1000 parsekdir, 1 parsek təxminən 30 trilyon km-dir. Süd Yolu qalaktikasının diametri təxminən 30 kiloparsekdir. Kainatda 100 milyarddan çox qalaktika var və Kainat da öz növbəsində genişlənməyə davam edir. Kainatımız yəqin ki, bəlkə də başqa ölçülərdəki Kainatlardan biridir...

Bütün bunlar kosmosun harmoniyası ilə dəstəklənir.

Oh, dünya nə qədər böyükdür!

Fərhad Ələsgərov